Untitled-1 (17)

វីធីធ្វើឲ្យអ្នកទទួលបានការជំរុញ​ទឹកចិត្ត​ឡើង​វិញពេលអ្នកធ្លាក់ទឹកចិត្ត

ជីវិត​មាន​ការ​ផ្លាស់​ប្តូរ​ពី​មួយ​ថ្ងៃ​ទៅ​មួយ​ថ្ងៃ។ មនុស្ស​ក៏​មាន​អារម្មណ៍​ប្រែ​ប្រួល​ដែរ។ ពេល​ដែល​គេ​ចាប់​ផ្តើម​គិត​ច្រើន មិន​ពេញ​ចិត្ត​នឹង​អ្វី​ដែល​ខ្លួន​មាន ឬ​ស្ត្រេស ពួក​គេ​នឹង​កើត​ការ​ធ្លាក់​ទឹក​ចិត្ត​ជា​ទំងន់។ ការ​ធ្លាក់​ទឹក​ចិត្ត​គឺ​ជា​ហេតុ​ផល​សំខាន់​ដែល​សម្លាប់​ទឹក​ចិត្ត​របស់​មនុស្ស​ (Motivation) ថាមពល ចំណង់​ចំណូល​ចិត្ត និងការ​តាំង​ចិត្ត​ណាមួយ។ ពេល​បាត់​បង់​​ Motivation អ្នក​ជួប​នឹង​ស្ថាន​ភាព​មួយ​ដែល​​ធ្វើ​ឲ្យ​អ្នក​គិត​ថា​អ្នក​មិន​ដឹង​ជា​ត្រូវ​ដើរ​ទៅ​មុខ​យ៉ាង​​ណា គិត​ថា​ខ្លួន​ឯង​មិ​ន​ល្អ​គ្រប់​គ្រាន់ ពោល​គឺ​អ្នកពិបាក​ក្រោក​ឈរ​ហើយ​​ដើរ​ទៅ​មុខក្នុង​ជីវិត។ ក្នុង​អត្ថបទ​នេះ យើង​នឹង​និយាយ​អំពី​វិធី​ខ្លះ​ៗ​ដែល​អាច​ធ្វើ​ឲ្យ​​អ្នក​ទទួល​បាន​ Motivation មក​វិញ។

  1. ​អនុវត្តន៍​ការ​លើក​ទឹក​ចិត្ត​ខ្លួន​ឯង​និង​មើល​ពី​ចំណុច​ល្អ​របស់​អ្នក

ការ​រិះ​គន់​ខ្លួន​ឯង​គឺ​ជា​អ្វី​ដែល​នាំ​អ្នក​ទៅ​រក​ការ​ធ្លាក់​ទឹក​ចិត្ត។ បើ​សិនជា​អ្នក​បន្ទោស​ខ្លួន​ឯង​ដោយ​សារ​តែ​អ្នក​មិន​បាន​ធ្វើ​ការ​ងារ​បាន​ច្រើន ឬ អ្នក​មិន​ឧស្សាហ៍​នោះ អ្នក​នឹង​កាន់​តែ​ធ្វើ​ឲ្យ​ខ្លួន​ឯង​មាន​អារម្មណ៍​មិន​បាន​ការ​កាន់​តែ​ខ្លាំង។ ជំនួស​ឲ្យ​ការ​គិត​អវិជ្ជមាន​បែប​នេះ អ្នក​គួរ​តែ​ប្រើ​ពាក្យ​លើក​ទឹក​ចិត្ត​ឲ្យ​ខ្លួន​ឯង​បាន​កាន់​តែ​ច្រើន ឬ​ក៏​ស្វែង​រក​ពាក្យ​ទាំង​នោះពី​មនុស្ស​ដែល​អ្នក​ស្រឡាញ់។ អ្នក​ក៏​គួរ​អាន​ពាក្យជំរុញ​ផ្លូវ​ចិត្ត​ពី​សៀវភៅ​ឬ​រៀង​រ៉ាវ​របស់​អ្នក​ដទៃ​ឲ្យ​បាន​ច្រើន។ បន្ទាប់​មក​អ្នក​អាច​មាន​អារម្មណ៍​ល្អ​ហើយ។

  1. រក​ការ​គាំ​ទ្រ និង​ជំនួយ​ពី​អ្នក​ដទៃ

ពេល​អ្នក​ធ្វើ​អ្វី​ច្រើន​ហើយ​ចេះ​តែ​មិន​បាន​សម្រេច អ្នក​ធ្លាក់ទឹក​ចិត្ត​ហើយ​ជួន​កាល​ក៏​ខ្លាច​រអារ​នឹង​ព្យយាម​តទៅ​ទៀត។ ដូច្នេះ​ហើយ បើ​មាន​ឱកាស អ្នក​គួរ​តែ​រក​អ្នក​ណា​ម្នាក់​ដែល​អ្នក​គិត​ថា​អាច​ទុក​ចិត្ត​បាន ប្រាប់​រឿង​រ៉ាវ​ទៅ​គេ​ហើយ​សុំ​ជំនួយ​ពី​គេ។ រក​មិត្តភក្តិ​ណា​ដែល​តែង​លើក​ទឹក​ចិត្ត​អ្នក​ជានិច្ច។ ពេល​ខ្លះ​ពេល​មាន​អ្នក​នៅ​ក្បែ​និង​នៅ​ខាង​អ្នក អ្នក​មាន​អារម្មណ៍​កាន់​តែ​ជឿជាក់​និង​មាន​កម្លាំង។

  1. ប្រឹង​ធ្វើ​ការងារ​នោះ​ដោយ​កុំ​សង្ឃឹម​ខ្ពស់​ពេក​ពី​លទ្ធផល

មិន​ថា​អ្នក​ណា​ជា​អ្នក​ណា ពេល​ខ្លះ​មិន​ទាន់​ទាំង​បាន​ធ្វើ​រឿង​ណា​មួយ​ផង តែ​មាន​អារម្មណ៍ល្អ​ឬ​មិន​ល្អ​ទុក​មុន​បាត់​ទៅ​ហើយ។ ចំពោះ​អ្នក​ធ្លាក់​ទឹក​ចិត្ត​វិញ​ក៏​ប្រហែល​គ្នា​ដែរ​ គឺ​មិន​ទាន់​ទាំង​បាន​សាក​ល្បង​ធ្វើ​រឿង​អ្វី​មួយ​ផង តែ​ចាប់​ផ្តើម​ស្រមើ​ស្រមៃ​ ​ភ័យ​ខ្លាច​​និង​ចាប់​ផ្តើម​គិត​ថា់​ខ្លួន​គ្មាន​សមត្ថភាព​គ្រប់​គ្រា​ន់​ មិន​អាច​ធ្វើ​បាន​បាត់​ទៅ​ហើយ។ អ្នក​គ្រាន់​តែ​កុំ​សង្ឃឹម​លើ​លទ្ធផល​ខ្ពស់​ពេក ហើយ​ខំប្រឹង​ប្រែង​ធ្វើ​ការងារ​នោះ​ទៅ។

  1. ធ្វើ​គម្រោង​ហើយ​ធ្វើ​ការងារ​តែ​ម្តង​ គឺ​មិន​មែន​រក​ការ​សប្បាយ​ទេ

ជា​ធម្មតា អ្នក​ដែល​បាក់​ទឹក​ចិត្ត​និង​គ្មាន​ការ​លើក​ទឹក​ចិត្ត​តែង​គ្មាន​អារម្មណ៍​សប្បាយ​ចិត្ត​ដូច​ជា​គេឯង​ទេ។ អ្វី​ដែល​អ្នក​ធ្លាប់​ចូល​ចិត្ត គឺ​អ្នក​លែង​មាន​អារម្មណ៍​អ្វី​ទាំង​អស់។ ដូច្នេះ​ហើយ បើ​សិនជា​អ្នក​សង្ឃឹមនឹង​​ការ​សប្បាយ​និង​ភាព​រីករាយ​ពី​ការងារ​នោះ អ្នក​អាចទៅ​ជា​មាន​អារម្មណ៍​កាន់​តែ​មិន​ល្អ​ក្នុង​ពេល​បំពេញ​ការងារ។

  1. លើក​ទឹក​ចិត្ត​ខ្លួន​ឯ​ង​ដោយ​ការ​ធ្វើ​ឲ្យ​ខ្លួន​ឯង​ឯករាជ្យ

ពេល​ដែល​អ្នក​ឆ្លង​កាត់​និង​ជួប​បញ្ហា​ជូរ​ចត់​ផ្សេង​ៗ​ក្នុង​ជីវិត​ច្រើន អ្នក​នឹង​មាន​អារម្មណ៍​ធម្មតា​ពេល​អ្នក​ជួប​បញ្ហា​ខ្លះ​ៗ។ ​បាន​ចូល​ប្រឡូក​ក្នុង​ជីវិត​ដោយ​ខ្លួន​ឯង​គឺ​ជា​បទ​ពិសោធន៍​មួយ​យ៉ាង​ល្អ។ វា​អាច​ធ្វើ​ឲ្យ​អ្នក​កាន់​តែ​រឹង​មាំ និង​ចេះ​ខ្វល់​ពី​ខ្លួន​ឯង​បាន​ច្រើន។ ម្យ៉ាង​ទៀត បើសិន​ជា​អ្នក​មិនបាន​ប្រឡូក​ដោយ​ខ្លួន​ឯង​ទេ អ្នក​ពិតជា​មិន​បាន​ដឹង​ថា​ជីវិត​ជា​យ៉ាង​ណា​ទេ។

ដោយ ahladang.com
Untitled-1
Untitled-1
Untitled-1-Recovered