រក្សាភាពស្អាត
- ត្រូវលាងដៃរបស់អ្នក មុននឹងចាប់កាន់ចំណីអាហារ និងមុនពេលរៀបចំចំណីអាហារ។
- ចូរលាងដៃរបស់អ្នកក្រោយពេលចេញពីបន្ទោរបង់
- ចូរលាងសម្អាត និងធ្វើអនាម័យលើផ្ទៃរាបទាំងអស់ និងសម្ភារៈឧបការណ៍ប្រើប្រាស់សម្រាប់រៀបចំចំណីអាហារ។
- ការពារផ្ទះបាយ និងចំណីអាហារពីសត្វល្អិត កណ្តុរ និងសត្វផ្សេងៗ។
ព្រោះអ្វី?
មានមេរោគបង្កគ្រោះថ្នាក់ជាច្រើនត្រូវបានរកឃើញនៅក្នុងធូលីដី ទឹក សត្ថ និងមនុស្ស។ មេរោគទាំងនេះ បានតោងជាប់នៅនឹងដៃមនុស្ស ក្រណាត់ជូត និងសម្ភារៈផ្ទះបាយ ជាពិសេសជ្រុញ ទោះជាការប៉ះពាល់តិចតួចក៏ដោយ ក៏អាចចម្លងពួកមេរោគទាំងនោះទៅក្នុងចំណីអាហាររួចវាបណ្តាលឲ្យមានជំងឺនៅពេលបរិភគចំណីអាហារទាំងនេះ។
ទុកដាក់អាហារឆៅ និងឆ្អិនដាច់ដោយឡែកពីគ្នា
- ទុកដាក់ដោយឡែកពីគ្នានូវ សាច់ឆៅ សាច់មាន់-ទា និង គ្រឿងសមុទ្ទពីអាហារផ្សេងៗ។
- ប្រើប្រាស់ឧបករណ៍ និងសម្ភារៈផ្ទះបាយដោយឡែកពីគ្នា ដូចជា កាំបិត និងជ្រុញសម្រាប់ហាន់អាហារឆៅ។
- ទុកដាក់អាហារក្នុងកន្លែងរបស់វាដើម្បីចៀសវាងការប៉ះពាល់គ្នារវាងអហារឆៅ និងអាហារឆ្អិន។
ព្រោះអ្វី?
អាហារឆៅ ជាពិសេសសាច់សត្វស្លាប ស៊ុត និងគ្រឿងសមុទ្ទ និងទឹករស់របស់វា អាចមានមេរោគបង្កគ្រោះថ្នាក់ ដែលអាចឆ្លងចូលទៅក្នុងចំណីអាហារផ្សេងទៀតនៅពេលរៀបចំ និងទុកដាក់អាហារទាំងនេះ។
ចម្អិនអាហារឲ្យបានឆ្អិនល្អ
- ចូរចម្អិនអាហារឲ្យបានឆ្អិនល្អ ជាពិសេស សាច់ សត្វស្លាប ស៊ុត និងគ្រឿងសមុទ្រ។
- ចូរយកអាហារដូចជាស៊ុប និងសម្ល ទៅដាំឲ្យពុះឡើងវិញ និងបញ្ជាក់ច្បាស់ថាវាក្តៅឡើងដល់៧០អង្សាសេ។ ចំពោះសាច់ និងសត្វស្លាប ត្រូវប្រាកដថាទឹករស របស់វាឡើងថ្លា មិនមែនពណ៌ក្រហមព្រឿងៗនោះទេ។ តាមពិត ត្រូវប្រើសីតុណ្ហមាត្រដើម្បីវាស់កម្តៅនេះ។
- កម្តៅអាហារដែលឆ្អិនរួចហើយនោះឡើងវិញឲ្យបានត្រឹមត្រូវ។
ព្រោះអ្វី?
ការចម្អិនត្រឹមត្រូវ អាចសម្លាប់មេរោគដែលបង្កគ្រោះថ្នាក់បានស្ទើរតែទាំងអស់។ ការសិក្សាបានបង្ហាញថា ការចម្អិនអាហារដល់សីតុណ្ហភាព៧០អង្សាសេ អាចជួយធានាថាវាពិតជាមានសុវត្ថិភាពសម្រាប់បរិភោគ។ ចំណីអាហារដែលទាមទារការប្រុងប្រយ័ត្នជាពិសេសមានសាច់ហាន់ស្តើង សាច់ជំនូចអាំង សាច់ជាប់សន្លាក់ឆ្អឹង និងសាច់សត្វស្លាបទាំងមូល។
ទុកដាក់អាហារនៅក្នុងសីតុណ្ហភាពសុវត្ថិភាព
- ចូរកុំទុកអាហារឆ្អិនស្រាប់ នៅក្នុងសីតុណ្ហភាពធម្មតាក្នុងបន្ទប់លើសពីពីរម៉ោង។
- ដាក់ចំណីអាហារដែលងាយស្អុយ ឬខូច និងអាហារដែលចម្អិនរួចទៅក្នុងធុងទឹកកក ឬទូរទឹកកកភ្លាមក្នុងកម្រិតសីតុណ្ហភាពតិចជាង៥អង្សាសេ។
- ទុកអាហារឆ្អិនឲ្យនៅក្តៅជានិច្ច ក្នុងកម្រិតសីតុណ្ហភាពលើសពី៦០អង្សាសេ។
- ចូរកុំទុកចំណីអាហារយូរពេក ទោះបីដាក់ក្នុងធុងទឹកកក ឬទូរទឹកកកក៏ដោយ។
ព្រោះអ្វី?
មេរោគអាចបំបែកខ្លួនយ៉ាងឆាប់រហ័សប្រសិនបើអាហារត្រូវបានរក្សាទុកក្នុងសីតុណ្ហភាពធម្មតា។ ការលូតលាស់របស់មេរោគ អាចថយចុះ ឬត្រូវបញ្ឈប់នៅសីតុណ្ហភាពក្រោម៥អង្សាសេ ឬលើសពី៦០អង្សាសេ មេរោគគ្រោះថ្នាក់មួយចំនួន នៅតែអាចលូតលាស់បានក្រោមសីតុណ្ហភាពទាបជាង៥អង្សាសេ។
ប្រើប្រាស់ទឹកស្អាត និងវត្ថុធាតុដើមឆៅល្អ
- ប្រើប្រាស់ទឹកស្អាត ឬកែច្នៃវាឲ្យមានសុវត្ថិភាពមុនប្រើប្រាស់វា។
- ជ្រើសរើសអាហារដែលនៅស្រស់ និងនៅទាំងមូល។
- ជ្រើសរើសចំណីអាហារដែលរៀបចំដោយសុវត្ថិភាព ដូចជាទឹកដោះគោ ដែលបានធ្វើការសម្លាប់មេរោគរួច។
- លាងបន្លែ ផ្លែឈើឲ្យបានស្អាតល្អ ជាពិសេសប្រសិនបើត្រូវរៀបចំញុំាឆៅ។
- កុំប្រើប្រាស់ចំណីអាហារដែលហួសថ្ងៃខែឆ្នាំកំណើត។
ព្រោះអ្វី?
វត្ថុធាតុដើមឆៅ មានទឹក និងទឹកកក អាចចម្លងមេរោគ និងសារធាតុគីមីគ្រោះថ្នាក់។ សារធាតុគីមីពុល អាចកើតមានក្នុងអាហារខូច ឬរលួយ។ ចូរយកចិត្តទុកដាក់ក្នុងការជ្រើសរើសចំណីអាហារឆៅ និងអនុវត្តវិធានការអនាម័យសាមញ្ញ ដូចជាការលាងសម្អាត ការចិតសំបក អាចកាត់បន្ថយការប្រឈមមុខនឹងគ្រោះថ្នាក់បាន។
ចំណេះដឹង = ការការពារ
