ប្រសិនជាកូនរបស់អ្នកមានអាការឡើងស្លេសខ្លាំង អ្នកតែងតែនឹកឃើញដំបូងគេបង្អស់គឺគ្រូពេទ្យ នេះជាវិធីដ៏ល្អមួយដែលអ្នកត្រូវតែធ្វើ ដើម្បីសុខុមាលភាពនៃកូនរបស់អ្នក។ តែពេលខ្លះការឡើងស្លេសក៏អាស្រ័យនឹងប្រភេទស្លេសនោះជាស្លេសប្រភេទណាដែរ ពេលខ្លះទារកទទួលទានថ្នាំពេទ្យច្រើនពេកពួកគេក៏អាចប្រឈមមុខជាមួយនឹងការឡើងស្លេសដែរ។ ប៉ុន្ដែបើអ្នកមិនអាចទៅជួបគ្រូពេទ្យទាន់ពេលវេលាអ្នកអាចសាកល្បងនូវតិចនិកងាយៗនៅឯផ្ទះបានដោយអនុវត្ដដូចខាងក្រោម ៖
-តិចនិកទី១ ៖ ហាន់សន្លឹក Sange Leaeves ដាក់ចូលក្នុងទឹកក្ដៅ អ្នកអាចដួសយក ១-២ ស្លាបព្រាកាហ្វេដាក់ចូលក្នុងមាត់របស់ទារក (គួរតែទុកអោយទឹកត្រជាក់សិន) សារធាតុដែលមានក្នុងស្លឹកនោះ អាចជួយកាត់បន្ថយនូវជាតិស្លេសបាន។ មិនត្រឹមតែប៉ុណ្ណឹងទេសារធាតុដែលមានសភាពក្ដៅឧណ្ហៗទឹកធម្មតាក៏អាចកាត់បន្ថយស្លេសពីមាត់ទារកបានផងដែរ។
-តិចនិកទី២ ៖ យកទឹកខ្ញី និងទឹកឃ្មុំមកព្យាបាលស្លេសរបស់ទារក ទឹកខ្ញីនិងទឹកឃ្មុំមាននូវសារធាតុម្យ៉ាងដែលមានសមត្ថភាពក្នុងការកម្ចាត់ចោលជាតិស្លេសក្នុងមាត់របស់ទារក (តែមុននឹងអនុវត្ដនូវវិធីសាស្ដ្រនេះអ្នកគួរគប្បីពិភាក្សាជាមួយគ្រូពេទ្យជាមុនសិន)។
-តិចនិកទី៣ ៖ យកដបទឹកក្ដៅឧណ្ហៗយកមកដាក់នៅលើដើមទ្រូងរបស់ទារក (ដបទឹកក្ដៅគួរតែកុំអោយក្ដៅខ្លាំងពេក) ការធ្វើបែបនេះក្នុងគោលបំណងអោយសរសៃឈាមរបស់ទារកដើរស្រួលដែលអាចជួយកាត់បន្ថយនូវសារធាតុស្លេស។
-តិចនិកទី៤ ៖ អ្នកអាចងូតទឹកក្ដៅឧណ្ហៗអោយទារក ទឹកក្ដៅក៏ជួយធ្វើអោយចលនាឈាមក្នុងរាងកាយរបស់ទារកដើរស្រួលដែលផ្ដល់ផលវិជ្ជមានសម្រាប់ខ្យល់ដង្ហើម និងចង្វាក់បេះដូង៕